ابويا ابونا يوحنا فؤاد
كنت بحضر في كنيسة العذراء الدمشيرية مدارس الاحد وانا في مرحلة ابتدائي أوائل التسعينيات وشوفت ابونا يوحنا وقربت منه لقيته اب مشجع ( كان بيسلم علينا ويشجعنا واحنا رايحين نلعب دورة كرة القدم بكنيسة مارمينا فم الخليج ) وكمان أثناء مدارس الاحد كان بيحب يسلم على الأطفال وبيسأل عن الاسم ، كبرت وخرجت خارج المنطقة لظروف المعيشة لكن لفت الايام ورجعت تاني في مرحلة ثانوي إلى ما بعد مرحلة جامعة كان مهتم بكل أولاده الروحيين والسؤال عليهم وكان عامل لينا اجتماع مخصوص واحنا في جامعة لانه كان مهتم ببناء أولاده احنا روحياخلصت مرحلة الجامعة وابتديت الحياة العملية وكان مهتم بالسؤال عليا ، وجت فترة كبيرة ماروحتش الكنيسة وفي السنة اللي فاتت ماما تعبت ودخلت المستشفى وإذ اتفاجئ بأن ابونا يوحنا يتصل بي يوم ٣ ابريل ٢٠٢٠ يتصل بي يطمن على ماما .
ياه اد ايه فرقت معايا جدا نفسيا ومعنويا اصل ابويا ابونا يوحنا .
ابونا يوحنا متشبه بسيده رب المجد يسوع مش بينسى أولاده مهما بعدوا عنه .صلي لأجلنا يا ابويا
التصنيفات