التصنيف: شعب الكنيسة

لما تخسر المعلم والاب والحب والسند والمعونه والخادم الامين لما تفتقد اكبر شخص اثر في شخصيتك وبني منها جزء كبير اكبر خساره ليا علي الارض ومكسب كبير للسما هتوحشني اوووي صليلي امام عرش النعمه الاب والمعلم ابويا يوحنا فؤاد كاهن كنيستي العدراء مريم الدمشريه مصر القديمه

أبونا يوحنا
الحبيب رجل الله
المعلم والاستاذ
المستنير الفليسوف الروحانى
أب من زمن وعالم تانى
كان مختلفا ومتميزا
صعب ان تجد مثله
او يتكرر مرة اخرى
لن ننسى كلماته
عايزين نعرف ربنا – عايزين نروح السما
اكتر من ٤٠ سنة بيخدمنا ويعلمنا
كخادم وكاهن محب وامين
نثق انه فى السماء فى احضان القديسين
وداعا ابينا الحبيب
اذكرنا امام عرش النعمة

في محبة ابونا يوحنا ولا اقول رثاء :
يسوع الحنان بعت لينا ابونا يوحنا
فتره من الزمان وبعدين سبقنا علي الجنه
حضن كبير وقلب كبير
بيضم كل ولاده
مبخلش علينا بصحته ووقته وشبابه
بيكلم ولاده في ضيقاتهم وبيلاقوه
كانه معاهم وبيحسهم وبيحسوه
Became high became high.
اللي علي علي
وانت يا ابونا العالى
حبك مالى كل قلوبنا
وانت عندنا الغالى
دموع نزلت ودموع محبوسه
حزينه علي رحيل الراعى
دهرنا مكسور و قلبنا موجوع
لما بنشوف مذبحك فاضى
ها نجيلك الملكوت يا أبانا
موافق ولا موافق
اذا كان كل الجمال فى صفاتك
يبقى ازاى جمال الخالق؟
شفنا تعبك وكثرة همومك
في ترميمات الكنيسه والبشر
واجتماعات الصلاه ودرس الكتاب
ماوقفتش ٣٠ سنه في عز المرض
بنشوفك صوره مصغره من يسوع
حبيبك وحبيبنا اللي هايقدر كل اتعابك
هاتوحشنا يا ابونا لغايه لما يجيلك كل احبابك،
سمير عبد الملك١٤-٥-٢٠٢١

يرثى من كان متوفيا
و ابدا لن يتوفى ابويا يوحنا الحبيب
انتقاله الي السماء في غمضة عين في أيام قليلة كان هو الصدمة الكبرى
أحسست قبل انتقالك بنفس مشاعر الفقد و الضياع عندما كنت مسافرا في الخارج لاني حقا فقدت ابي الروحي و خادمي العظيم منذ زمن بعيد . فقد كنت وحيدا تائها بدونك
ماذا فعلت بنا كي نصل لهذه الدرجة من الحب لشخصك يا ابونا ؟ استطيع أن أجيب بأن ما فعلته هو الحب في كل شيء و بكل بساطة وكل صدق . فهذا الحب يكاد يكون مثل الدماء التي تسير في جسم الانسان حقا لا نرى دمائنا و لكن يقينا نعيش بها و بدونها نموت . صوتك و تعبيرات وجهك و يديك المفتوحتان للجميع الكبير و الصغير هم السر وراء هذا الحب من الجميع لك يا ابونا
هنيئا لك فردوس النعيم لانك حقا نفذت و التزمت بما جاء في كتاب الوزاره حسب قولك الشهير ( الكتاب المقدس ) وذلك في كل تفاصيل حياتك و أمانة خدمتك لاولادك
اذكرنا في صلاتك . حتى نلتقي يعيننا الله كما أعانك
المسيح قام بالحقيقة قام

أسمى المفضل عندك: حبيبة أبوكى
أسمك المفضل عندى: أبويا الحبيب بابا يوحنا جدو يوحنا لروكا ورافى
الكلام ميكفيش لو فضلت أتكلم طول عمرى عنك أبويا الحبيب كل ذكرياتي كنت فيها أقول إيه ولا إية
أبويا اللى أتبنانى ومحبته غمرتنى
أول إنسان وأب اشوف فيه صورة المسيح المحب محبة غير مشروطة ، المتواضع ، المشجع ، المتقف ، حبيب الكتاب المقدس ، حبيب التسبيح ، النقى جدا ، العطوف والمستنير والحقيقى
كنا متباركين إننا ولادك عارفين إننا مسنودين طول الوقت بصلاتك
وهنفضل مسنودين بيك يا أبينا المنتصر على العالم فخورين بيك طول الوقت نقف وقدام كل الناس نقول أحنا ولاد أبونا يوحنا
كلامك ورسالتك ف قلوبنا مش هنقدر عمرنا ننساها كان نفسى ف إجتماع صلاة تانى معاك بس خلاص أنت هتحضرة ف السما

. إن الكلمات يا احبائي .. .. تعجز عن وصف هذا المحبوب …. فالآن يا أبي – أنطلق :# أنطلق وانضم #.. إلي عالمك الجديد …….. عالم الآباء .. .. عالم آباء كنيستنا القبطية العريقة …. عالم شيوخ أباء كنيستنا المحبوبة( الدمشيرية ) …. عالم من سبقوك بسيرتهم وخدموا بمذبحها . لتضيف سيرة جديدة في تاريخ حياتها ..# أنطلق وأمضي # .. الي موضع الراحة والنعيم …. موضع الفرح والتسبيح …. لقد عشت في قلوبنا .. ومازلت تعيش ..# أنطلق وأدخل #.. الي فرح سيدك … في حضنه الدافيء .. كما علمتنا .. كيف يكون حضن الأبوة ؟؟.. ولينطق فمك بتسابيح … ( الآن يا سيدي تطلق عبدك بسلام حسب قولك .. لأن عيني قد أبصرت خلاصك ).. لقد تعلمنا الكثير .. ومازلنا نتعلم .. أبي.. مهما مرت الأيام والسنين ……. سيظل ذكراك إكليل صبر لآلمنا .. ( أذكرني أمام عرش النعمة )

ابى الحبيب القمص يوحنا فؤاد
لن اضع لك صور أو ارفع بوستات
لان ابوتك و حبك و ارشادك و رعايته و روحك و الكثير الذى يصعب جمعه كل هذا صوره أو كلمات لن تعبر عنه وعن حجم الجرح الذى ينزف و سوف يستمر مدى الأيام
انك ليس صوره و لكن بانوراما للحياه عرفناك منذ الصغر انكلنا الحبيب البشوش د. هانى فؤاد … الذى دعمنا و علمنا بحب منقطع النظير إلى ان اشتد عودنا
ثم التلميذ الذى استلم الكنيسه من يد الاب الحبيب ابونا مينا شنوده ثم الراعى الحقيقي الذى الذى اكمل و علم و نظم و صاغ خورس من الخدام و المحبين انت الذى كنت تعلمنا الهويه الكنسيه بالفعل لا بالقول نحن نذكر كلماتك
عاوزين نروح السما …. و سبقتنا
عاوزين نعرف ربنا …. و كنت انت موصل دايم معاه
تعال فى حضن ابوك … و كنت عارف انت دف حضنه
سيب امورك فى ايد ربنا … و كنت انت بالكامل فى أيديه
انت كنت بشوش ضاحك و بتكلمنا عن الجنسيه الدمشيريه امال سلمت جنسيتك و خدت الجنسيه السماويه و سبقتنا و سبتنا لمين و ليه اخر لقاء لينا كان الاجتماع المصغر التلمذه المتقدمه إلى اخترتنا فيه عدد صغير من خدام معينين علشان تسيب معنا اخر كلمات و كنا على لقاء نكمل بعد العيد و لكن انت أكملت الامتحان و انطلقت
ربنا يعوضك يا دمشيرى القمص / يوحنا فؤاد
نعما لك ايها العبد الصالح و الأمين كنت امين على رعيتى ادخل الى فرح سيدك … هتصلى القيامه السنادى فى السما مع الأربع و العشرين قسيس و هتفرح برؤية الخروف القائم
لقد أنهيت خدمتك و مضيت للسماء حيث بيتك و مكان راحتك … اذكرنا أمام عرش النعمه

إِنْ كَانَ أَحَدٌ يَخْدِمُنِي فَلْيَتْبَعْنِي، وَحَيْثُ أَكُونُ أَنَا هُنَاكَ أَيْضًا يَكُونُ خَادِمِي. وَإِنْ كَانَ أَحَدٌ يَخْدِمُنِي يُكْرِمُهُ الآبُ.أبونا يوحنا رجل الله خدم الله بكل أمانة واستحق التكريم من الله فَقَالَ لَهُ سَيِّدُهُ: نِعِمَّا أَيُّهَا الْعَبْدُ الصَّالِحُ وَالأَمِينُ! كُنْتَ أَمِينًا فِي الْقَلِيلِ فَأُقِيمُكَ عَلَى الْكَثِيرِ. اُدْخُلْ إِلَى فَرَحِ سَيِّدِكَ.اذكرنا يا أبي في صلواتك حتى نلتقي ثانيةوتشاء إرادة الله أن يكون دخوله السماء اورشليم السمائية في يوم دخول المسيح أورشليم

+ الفكر الروحي العميق المشبع بروح الانجيل و التقليد الكنسي
+ الشخصيه الصريحه القويه في الحق مثل يوحنا المعمدان حيث لا مجاملات ضد الحق
+ المحبه الفياضه و الابوه العميقه
+ الشخصيه الجباره في مواجهة المرض
+ الاب الذي ترك لاولاده الكنز الروحي في تعاليمه و عظاته و سيرته
+ اذكرنا امام عرش النعمه

بجد مش عارف اقول ايه .مش لاقى كلام اوصف بيه اللى جوايا .اقول سافر ابويا الفيلسوف ولا الحنين ولا الحضن الكبييييير اللى يساع الكل. من٢٥ سنه وانت شايل همومى .مش انا بس حتى زوجتى وبناتى مرتبطين جدا بقدسك عزاؤنا الوحيد انك شفيع لينا أمام رب المجد